സംസ്ഥാനത്തു പാന്‍ മസാല നിരോധിച്ചു. കേന്ദ്ര ഭക്ഷ്യസുരക്ഷാ നിയമ പ്രകാരമാണു പാന്‍ മസാലയും അനുബന്ധ ഉത്പന്നങ്ങളും നിരോധിച്ചത്. മുഖ്യമന്ത്രി ഉമ്മന്‍ ചാണ്ടിയാണ് ഇക്കാര്യമറിയിച്ചത്. വായിലെ ക്യാന്‍സര്‍ അടക്കം പാന്‍ മസാല ഉപയോഗം കാരണമുള്ള രോഗങ്ങള്‍ വര്‍ധിച്ചതാണു നിരോധനം ഏര്‍പ്പെടുത്താന്‍ കാരണമെന്നു മുഖ്യമന്ത്രി ഉമ്മന്‍ ചാണ്ടി. ഉത്തരവു പുറപ്പെടുവിച്ചതിനാല്‍ വില്‍പ്പനയും ഉപയോഗവും നിയമവിരുദ്ധമാണ്. നിയമം ലംഘിക്കുന്നവര്‍ക്കെതിരേ കര്‍ശന നടപടി സ്വീകരിക്കും. ആറു ലക്ഷം രൂപ പിഴയും ആറു വര്‍ഷം വരെ തടവും ശിക്ഷ ലഭിക്കുമെന്നു മുഖ്യമന്ത്രി പറഞ്ഞു.
രാജ്യത്തു പാന്‍ മസാല നിരോധിച്ച രണ്ടാമത്തെ സംസ്ഥാനമാണു കേരളം. ആദ്യത്തേതു മധ്യപ്രദേശാണ്.
